இந்த அரண்மனை 1601 ஆம் ஆண்டு இரவிப்பிள்ளை இரவிவர்ம குலசேகர பெருமாள் என்பவரால் கட்டப்பட்டது. மந்திர சாலை, தை கொட்டாரம், நாடக சாலை, நான்கு மாடி கட்டிடம், தெற்கு கொட்டாரம் ஆகிய அமைப்புகளை உள்ளடக்கியுள்ளது. அரசவையே மந்திர சாலை என்று அழைக்கப்பட்டது.
மந்திர சாலையின் ஜன்னல்கள் அழகிய வண்ணமயமான மைகாவால் கட்டப்பட்டது. மைகா வெயிலின் அளவை குறைக்கிறது. தரை தேங்காய் மூடிகளாலும், முட்டைகளாலும் ஆனது. தமிழகத்தில் இருந்தாலும் அரண்மனை கேரள கட்டிடக் கலையின் பாணியிலே அமைக்கப்பட்டுள்ளது.
தை கொட்டாரம் பழமையான கட்டிடம் என்றே சொல்லப்படுகிறது. இந்த கொட்டாரத்தில் நாலுகட்டு, ஏகாந்த மண்டபம் போன்ற அமைப்புகளும் உள்ளன. சில தூண்கள் ஒரே பலா மரத்தால் மிகுந்த கலை வேலைப்பாட்டுடன பிரமாண்டமாய் நிமிர்ந்து நிற்கிறது. தெற்கு கொட்டாரம் 400 ஆண்டுகள் பழமையானது. இப்போது அருங்காட்சியமாக காணப்படுகிறது. நான்கு அடுக்கு கட்டிடத்தின் நான்காவது மாடி உப்பரிக்க மளிகா என்றழைக்கப்படுகிறது.
நீங்களும் பத்மநாபபுரம் அரண்மனைக்குச் சென்று நமது முன்னோர்களின் கலைத் திறமையையும், கட்டிடக்கலையையும், பாரம்பரியத்தையும் , பிரம்மாண்டத்தையும் கண்டு களிக்கலாமெ!!!
எப்படி செல்வது என கேட்கிறீர்களா?
1)மிக அருகில் திருவனந்தபுரம் விமான நிலையம் உள்ளது. அங்கு சென்று அங்கிருந்து 87 கி.மீ பயணம் செய்தால் அரண்மனை உங்கள் முன்னே!!
2)கேரளா மற்றும் தமிழகத்தின பல பகுதிகளில் இருந்து ஏராளாமான பேருந்துகள் கன்னியாகுமரிக்கு இயக்கப் படுகின்றன. அதன் மூலம் இங்கு செல்லலாம்.
3)கன்னியாகுமரி ரயில் நிலையத்துக்கு இயக்கப்படும் பல ரயில்கள்
மூலமும் இங்கு சென்றடையலாம்.
கன்னியாகுமரிக்கு செல்லும் ரயில்கள்:
1)Kanyakumari exp - 2633
2)Thirukural exp - 2642
3)Himsagar exp - 6318
4)Kanyakumari exp - 2665
5)Mumbai - Kanyakumar exp - 6381
6)Kanyakumari exp - 6526
திறந்திருக்கும் நேரம்: 9.00 am - 1.00 pm , 2.00 pm - 4.30 pm
திங்கட்கிழமைகளில் செயல்படாது.
கட்டணம்:
பெரியவர் - ரூ.10 சிறுவர் - ரூ.2
1 comments:
What is the meaning of KOTTAARAM?
Post a Comment
நிறைகளும் குறைகளும் இங்கே!!